Nuus/News

Wat gebeur op die wynfront/What is happening on the wine front.

Stylvolle nuwe voorkoms vir Fleur du Cap Natural Light

fleur.JPG

Fleur du Cap Natural Light - ‘n gewilde, gesondheidsvriendelike wyn gesog vir sy lae alkoholinhoud en uitbundige vrugtesmaak - pronk nou in ‘n skitterende nuwe baadjie, ideaal vir stylvolle geleenthede.

 

Die toeganklike Fleur du Cap Natural Light 2009 is ‘n vars en vrugtige versnit van 90% chenin blanc- en 10% wit muskadel-druiwe wat aan die wyn sy effesoet-karakter verleen.

Brandewyn-skemerkelkies mik hoog

Daar is 'n horde skemerkelkies wat brandewyn as basis gebruik, en absoluut heerlik is!

Om die herlewing van die skemerkelkiekultuur te vier, het Alchemy of Gold, die portefeulje van keurbrandewyne, ’n nuwe generasie skemerkelkies met brandewyn as basis en met die klem op kontemporêre geure beskikbaar gestel.

 

Wen met wynfoto’s!

'n Foto soos hierdie goue Labrador wat druiwe "pluk" kan jou dalk net 'n prys besorg!

Nie minder nie as R25 000 se pryse is op die spel in ‘n fotokompetisie van die Stellenbosch-wynroete!

 

En al wat jy moet doen, is om jou kamera te vat, deur die pragtige wynwêreld rondom Stellenbosch te ry en foto’s te neem. Oukei, jy kan ander foto’s ook neem, maar wynverwante foto’s is na ons beskeie mening verreweg die belangrikste. En die lekkerste om te neem!

 

Waterkloof-kelder onthul nuwe Circumstance-witwynduo

Waterkloof se wynmaker, Werner Engelbrecht.

Waterkloof, geleë op die kruin van die Schapenberg in die Helderberg-wynland, het pas die 2008-oesjare van die Chenin Blanc en Viognier in sy gesogte Circumstance-reeks bekend gestel – ‘n dubbeldoor-toevoeging van individuele uitdrukkings tot die landgoed se versameling Europese styl-wyne.

 

Ian Naudé leads the way with Adoro

Adoro: remember the name!

Winemaker Ian Naudé has always believed that South Africa’s point of difference will be its premium blends. Not just blends by cultivar, but by the richly varied terroir that sees it uniquely positioned to make the best of winemaking styles, both ‘old world’ and ‘new’.

 

In a departure from the norm, Naudé began with a final goal in mind. Then he visited vineyards across the winelands looking for grapes to produce the envisioned result.

 

Posmeester maak geskiedenis

Hermanuspietersfontein se charismatiese wynmaker, Bartho Eksteen.

Die jaar 1855 was ‘n baie belangrike jaar: Bordeaux-wyne word vir die eerste keer geklassifiseer ... en in die Overberg word die vissersdorpie Hermanuspietersfontein gestig.

 

Die dorpie het sy naam van ‘n rondreisende onderwyser, Hermanus Pieters, verkry wat deur boere van die omgewing met skape betaal is. Hy het sy skape by die fontein laat wei waar vandag die middedorp van die hernoemde Hermanus staan.

 

Wen met Durbanville Hills se Rhinofields-wyne

Wen met Rhinofields!

Durbanville Hills het onlangs 'n unieke rugetiket op sy Rhinofields-reeks bekend gestel wat ook 'n eerste vir Suid-Afrika is. Die etiket vou uit in 'n verwyderbare boekie met besonderhede oor die reeks, die oorsprong van die naam en wat Durbanville Hills doen om te help met die bewaring van die bedreigde inheemse plantegroei bekend as renosterveld waarna die reeks vernoem is.

 

Van Ryn’s wen Welcome Award op Indaba 2009

Van Ryn's buite Stellenbosch is beslis 'n besoek werd.

Die Van Ryn’s-distilleerdery buite Stellenbosch is aangewys as ? nasionale wenner by SA Toerisme se Welcome Awards van 2009. Dit is by die Indaba se gala-seremonie, wat deur sleutelspelers in die land se toerismebedryf  bygewoon is, bekend gemaak.

 

Van Ryn’s het die kategorie vir vergaderings, uitstallings en spesiale geleenthede gewen en is geprys vir die voortreflike gehalte van sy proe-aanbiedings, sy toere, diens en luukse geriewe. Verlede jaar het die distilleerdery in dieselfde kategorie  ? vyfster-gradering van die Graderingsraad van SA Toerisme ontvang.

Alluvia vaar goed by Decanter-toekennings

ilka Cabernet Sauvignon 2005.

Alluvia Specialist Winery bou voort op die reputasie van sy Cabernet Sauvignon en internasionale erkenning stroom steeds in. Op die onlangse Decanter-toekennings in London is 'n silwer medalje, wat 'n puntetelling tussen 90 en 95 beteken, aan die 2005 ilka Cabernet Sauvignon toegeken, en die wyn is ook tydens die London Wine Fair te proe aangebied by die tydskrif se "Unsigned Talent"-proepaneel.

 

Die Decanter-kompetisie is amptelik die grootste internasionale wyntoekenning met meer as 10 0000 inskrywings van regoor die wêreld.

Lomond se wit versnit maak ‘n goue debuut

Lomond se wit versnit, iets nuuts vir fynproewers en Jan en alleman.

Lomond wat, soos die kraai vlieg, 8 km van die see anderkant Gansbaai lê en gereeld hoë lof vir sy enkelwingerd- sauvignon blancs ontvang, het pas weer die koppe laat draai met sy eerste wit versnit, die 2007 Snowbush, wat in September sy buiging op die Nederburg-veiling maak.

 

Die aantreklikheid van die wyn, wat onlangs by die International Wine Challenge in Londen met 'n goue medalje bekroon is, lê volgens die wynmaker, Kobus Gerber, in sy lewendige, grasagtige en soetrissie-intensiteit wat deur 'n ryk en romerige karakter gebalanseer word.

Sindikeer inhoud