Nuus/News

Wat gebeur op die wynfront/What is happening on the wine front.

Lomond se wit versnit maak ‘n goue debuut

Lomond se wit versnit, iets nuuts vir fynproewers en Jan en alleman.

Lomond wat, soos die kraai vlieg, 8 km van die see anderkant Gansbaai lê en gereeld hoë lof vir sy enkelwingerd- sauvignon blancs ontvang, het pas weer die koppe laat draai met sy eerste wit versnit, die 2007 Snowbush, wat in September sy buiging op die Nederburg-veiling maak.

 

Die aantreklikheid van die wyn, wat onlangs by die International Wine Challenge in Londen met 'n goue medalje bekroon is, lê volgens die wynmaker, Kobus Gerber, in sy lewendige, grasagtige en soetrissie-intensiteit wat deur 'n ryk en romerige karakter gebalanseer word.

Desiderius Pongrácz wen trofee in Londen

'n Vonkel om te onthou, Desiderius Pongracz.

Desiderius Pongrácz 2001, die charismatiese Méthode Cap Classique, is met ‘n trofee bekroon as Suid-Afrika se beste vonkelwyn van meer as £10 by die toonaangewende 2009 Decanter World Wine Awards in Londen.

 

Oude Meester stel ‘n nuwe koninklike bekend

Oude Meester se nuwe koninklike!

Oude Meester het 'n nuwe versamelaarsbrandewyn, Souverein, aan die toppunt van sy reeks bekend gestel. Hierdie vorstelike potketelbrandewyn is versny uit brandewyne wat almal 18 jaar en ouer is. Net 1 000 liter van hierdie koninklike sopie is gemaak. Dit sal teen sowat R815 in spesialiswinkels veroop word.

 

Die nuwe brandewyn vertoon volgens die handelsmerkbestuurder, Khosi Ngema, die kenmerkende smaaksuiwerheid van Ouder Meester, maar is meer indrukwekkend as die dikwels bekroonde 12 Year Old Reserve of die gewilde en baie toeganklike Demant.

4th Street – ‘n wyn gemaak vir vriende en goeie tye

4th Street - in 750 ml en 1,5 l.

“Waar daar ‘n opskop is, is daar 4th Street”. Met ‘n nuwe sosiale vlinder in ons midde word goeie tye saam met vriende opnuut ‘n lewensfeit. En daai vlinder is 4th Street, ‘n natuurlike soet rosé.

 

Cederberg wen gesogte toekennings in Engeland

David Nieuwoudt, wynmaker en eienaar van Cederberg Privaat Kelder.

Die Cederberg Privaat Kelder het vir die derde agtereenvolgende jaar pryse gewen op die jaarlikse Decanter World Wine Awards. Cederberg het maar vier jaar gelede vir die eerste keer aan die kompetisie deelgeneem.

 

Wat die prestasie meer besonders maak, is dat geen kelder van Suid-Afrika dit nog ooit reggekry het om twee jaar na mekaar twee Decanter- nasionale trofeë te ontvang nie.

Allesverloren Fine Old Vintage raap trofee in Swede op

Danie Malan met 'n glasie van een van sy wonderkinders!

Allesverloren, die oudste wynlandgoed in die Swartlanden bekend vir sy Port en rooiwyn, het die hoogste eer in Swede vir sy 2005- Fine Old Vintage ontvang as die beste gefortifiseerde wyn volgens waarde vir geld by die 2009 Vinordic-wynkompetisie.

 

Diners Club International 2009 winelist awards open for entries

Judges Angela Lloyd, Arnold Vorster and Lannice Snyman.

Entries for the 2009 Diners Club International Winelist of the Year Awards are officially open and Diners Club International invites all licensed restaurants across South Africa to take part in this prestigious competition. The Awards, held in high esteem by both the restaurant and wine industry, encourage food and wine-serving establishments to improve the standards of wine lists.

 

False Bay Chenin Blanc skitter by internasionale Sommelier-wyntoekennings

valsbaai.JPG

Die False Bay Chenin Blanc, wat sy oorsprong in ‘n nederige bosstok-wingerd in die Swartland vind, het internasionale roem verwerf as die algehele wenner in sy kategorie by die 2009 Sommelier-wyntoekennings, Brittanje se enigste wynkompetisie wat hom alleenlik toespits op die restaurantbedryf en breër binneverbruikmark.

Nederburg se wit Ingenuity 2008 hier om te plesier!

Nederburg se opwindende en veelsydige Ingenuity 2008.

Die 2008-oesjaar van Ingenuity, Nederburg se waagmoedige dog subtiele versnit van agt wit kultivars, is pas beskikbaar gestel. Soos sy 2007-voorganger, wat ? vyfster-toekenning in die 2009 Platter’s South African Wine Guide ontvang het, kom die sauvignon blanc daarin van druiwe uit Groenkloof en Durbanville. Dit maak sowat 25% van die versnit uit en verleen daaraan die vars, grasagtige aromas en stewige struktuur, terwyl die semillon, wat van 6% tot 19% verhoog is, daaraan verdere varsheid, mineraliteit en smaakervaring verleen.

 

Stellenbosch Hills soek biltongmaker van die jaar

biltong1.JPG

Hierdie tyd van die jaar is die meeste wynmakers besig om hul jaggewere skoon te maak vir hul jaarlikse jagekspedisies. Hulle keer gewoonlik terug met biltong, droë wors en wilde kampvuurstories. Almal van hulle maak daarop aanspraak dat hulle die beste biltong maak en dit is hoekom die Stellenbosch Hills/SA Jagter Biltongmaker van die Jaar-kompetisie so 'n briljante idee is.

Sindikeer inhoud