Nuus/News

Wat gebeur op die wynfront/What is happening on the wine front.

Uitkyk stel 10-jaaroue potketelbrandewyn bekend

Vir die fynproewer!

Die jongste Uitkyk-potketelbrandewyn, die 10-Year-Old Grand Reserve, is elegant en kompleks, en ’n uitmuntende uitdrukking van ’n ware landgoedbrandewyn. Die landgoed se wynmaker, Estelle Lourens, meen dat elke kultivar van die landgoed, wat in 1712 ontstaan het, bydra tot die onberispelike, smaaklike en goed gebalanseerde eindproduk.

Visie, passie en geduld eindig in die Cape of Good Hope Serruria Chardonnay 2015

Nog een vir die ware wynliefhebbers!

Om aan die voorpunt te wees van ’n hoogs mededingende wynmark verg veel meer as net pasie en toewyding, dit vereis ook geduld en innovasie, en al hierdie elemente kom saam in die jongste aanbieding uit die bekroonde kelder van Anthonij Rupert Wyne – die Cape of Good Hope Serruria Chardonnay 2015.

Die Jason’s Creek 2015 se ‘nuwe baadjie’ bring gister en vandag byeen

Ewe "mooi" buite as binne die bottel, dis Jason's Creek 2015!

’n Herontwerpte etiket beeld die storie van Jason’s Creek, ’n klassieke Kaapse rooi versnit, duideliker uit as ooit tevore. Die boonste gedeelte van die etiket verteenwoordig dié bekroonde wynlandgoed in die Slanghoekvallei se ryke erfenis terwyl die onderste gedeelte die plaas uitbeeld soos hy vandag daar uitsien.

Die naam van die wyn, sowel as sy erfenis, dateer terug na die dae toe ’n ou skaapwagter skape in die berge wat oor die plaas “waghou”, opgepas het. Die skaapwagter se naam was Jason en die plaas is Jasonsfontein gedoop. Dit het later uitgeloop op die bekende en bekroonde handelsmerk Jason’s Hill.

Lanzerac stel heel eerste Chenin Blanc bekend, en eerste Syrah in meer as ’n dekade

Lanzerac se heel eerste Chenin Blanc ... en dis hoog tyd!

Die Lanzerac-wynlandgoed aan die buitewyke van Stellenbosch, een van die land se voorste wynprodusente, het twee nuwe wyne gevoeg by sy gewilde premie-wynreeks. Die uitbreiding van die reeks om ’n chenin blanc en syrah in te sluit, laat die kollig weer eens val op die innoverende denke van die landgoed se wynmaakspan.

Cab Franc Challenge 2017 highlights different styles, top quality

The top 6 - a must for any wine lover's collection!

The second Cab Franc Challenge showed that winemakers were taking this varietal seriously and were keen to grow this sector and show off their skills. Although the quality of the entries was again very high, the styles this year were very diverse.

Amorim Cork gee Kaapse Wynmakersgilde ’n hupstoot

Joaquim Sá met Gynore Fredericks en Morgan Steyn.

Die ontwikkeling van talentvolle jong wynmakers en wingerdboukundiges deur die Kaapse Wynmakersgilde het ‘n hupstoot gekry deur die ondersteuning van Amorim Cork, vir die tweede opeenvolgende jaar.

Nederburg plant nuwe wingerdstokke in ou grond om geskiedenis te herdenk

Chambourcin-druiwe.

Nederburg het die 225-jarige erfenis van sy stigter, Phillipus Wolvaart, gevier met ’n spesiale aanplanting van chambourcin op die Paarlse wynlandgoed wat Wolvaart in 1791 bekom het. Die chambourcin-stokke is in grond geplant wat drie jaar lank “gerus” het om die ontbinde graniet te help verbeter. Voorheen is cabernet sauvignon hier geplant.

Klawer Cellars again first out of the blocks!

The first release of the 2017 vintage.

“This Sauvignon Blanc is young, vibrant and uncomplicated. It’s for those people who enjoy their whites smooth and easy, without any frills,” says Klawer Cellars’ cellar master, Andries Blake, of their 2017 Sauvignon Blanc that has just been the released.

In the second successive year, Klawer Cellars up the West Coast has “jumped the gun” by being the first winery to introduce a wine to the South African wine loving public.

De Krans Cape Pink, 'n viering van die lewe ... in pienk!

De Krans Cape Pink, die drankie wat 'n glimlag op jou gesig sit.

Tradisie is ’n goeie ding, maar soms moet ’n mens bietjie wegbreek. Vier die volgende spesiale dag of geleentheid – hetsy verjaarsdag, huwelik of herdenking – met iets pienk, soet en dekadent … en yskoud! De Krans se Cape Pink sal jou smaakkliere aan die gons sit, en ’n groot glimlag op jou gesig. Die De Krans Cape Pink is ewe geskik as aptytwekker, of sommer net om te geniet.

Stellenbosch-Wynroetes behaal driekuns

Die Stellenbosch-wynstreek, asemrowend mooi. Dis die Simonsberg in die agtergrond.

Die Stellenbosch-Wynroetes is weer bo sy eweknieë in die wêreld se voorste wynstreke uitgesonder. Suid-Afrika se premie-wynnetwerk het weer eens die beoordelaars in die internasionale Wine Tourism Challenge beïndruk en vir die derde maal na die podium teruggekeer.

Stellenbosch-Wynroetes het die titel “beste reklameliggaam” in 2014 en 2015 ingepalm en is weer aangewys as die wenner in dié kategorie. Die kompetisie word deur die gerespekteerde publikasie, Drinks International, aangebied.

Sindikeer inhoud